vej- egg fry

தேவையான பொருட்கள்:-

• முட்டை                                          - 3
• காரட்                                                - 1
• அரைக்கீரை                                  - ஒரு கைபிடி
• புதினா                                             - சிறிது
• பூண்டு                                             - 2 இதழ்
• மிளகு பொடி                                 - அரை ஸ்பூன்
• பிரட்                                                 - 4 ஸ்லைஸ்
• உப்பு                                                 - சிறிது

செய்முறை:-

• அரைக்கீரை, புதினா இவைகளை நன்றாக தண்ணீர் விட்டு அலசி பொடியாக அரிந்து  வைக்க வேண்டும்.
• காரட்டை நன்றாக கழுவி துருவி வைக்க வேண்டும்.
• பூண்டை பொடியாக நறுக்கி வைக்க வேண்டும்.
• பிரட்டை பிய்த்துப் போட்டு மிக்சியில் உதிர்த்து கொள்ள வேண்டும்.
• முட்டையை ஒரு பாத்திரத்தில் உடைத்து ஊற்றி அதனுடன் பிரட் தூள், காரட், புதினா, பூண்டு, கீரை, மிளகு பொடி, இவைகளை சேர்த்து சிறிது உப்புடன் நன்றாக கலந்து வைக்க வேண்டும்.

• தவாவை அடுப்பில் வைத்து சூடாக்கி சிறிது எண்ணெய் தடவி முட்டை கலவையை ஒரு கரண்டி எடுத்து தவாவில் ஊற்றி சிறிது தடிமனாக தேய்த்து கலர் மாறும் வரை வேக விட வேண்டும்.

• கலர் மாறியதும் மறுபுறம் திருப்பி விட்டு வெந்த உடன் எடுத்து தக்காளி சாஸுடன் பரிமாறலாம்.

• மாலை நேர சிற்றுண்டியாக குழந்தைகளுக்கு ஏற்ற உணவு.